大家姐 (已結業)

呢度的服务一向麻麻，好似唔忧做咁。不过平日贪它就脚又快，好多时谂住食少少嘢都会帮衬。今日经过谂住食少少嘢，就叫咗三宝、肠粉和生菜鱼肉。等待时，听到隔离枱个女仔话碗Ｂ仔凉粉的菠萝变咗，有个职员走埋嚟话俾过碗她，个女仔话唔要，换咗碗净凉粉俾她。但换完后，见到三个职员围埋系BAR枱位讲：「我都话变咗架啦.......」我心谂，有无搞错！明知食物变质都拎出嚟俾客食！以为咁已够衰，点知我食生菜鱼肉到一半时，有只曱甴浮咗出嚟！！！我即时大叫：「碗嘢有曱甴呀！」，企BAR枱个职员眼尾望咗我几下，无理我！！我劲想呕但又呕唔出！再叫：「有曱甴呀！」跟住个BAR枱职员先冷冷咁话「等阵。」。我见佢咁的态度，干呕完想用手机影底，点知我想影时就有个女人走埋嚟收走碗嘢，话换过俾我。我话「你换过碗咪又系同一煲嘢！」个女人问我想点，我劲想话叫食环署！但新年流流唔想搞大，要我等食环署的人又烦，叫佢退返钱算。跟住个女人退返果碗鱼肉的$12俾我，其他嘢都系照收我钱！原本贪方便快捷都几常帮衬，经过呢次以后都到帮衬！！！ 写出嚟只系俾大家知道这店的卫生确实欠奉，之前的食评被话失实reject，如果有需要的话，我可以问同行的人拿