影片
更多
2019-11-18
122 浏览
每次黎到呢间日式餐厅都好有惊喜，除左佢地既环境令人好舒服之外，每款食物都放得好靓，感觉就好似要将野食最好既一面呈现系客人面前。本身一心过黎食佢地既打边炉半放题，不过最后比呢个"花木秋之海蟹盛宴"吸引，每款菜色都环绕『蟹』为主，誓要将整只一齐食落肚~先来一客北海道雪场蟹肉刺身，因为系二人前关系所以每款嘢食都会有两set，蟹肉嘅外层应该用热水浸过，所以呈现鲜橙色，但食落去嘅口感其实系刺身蟹肉，味道鲜甜可口，沾上少量蟹醋，提升口感层次。冰镇香醋松叶蟹，一睇蟹脚嘅外型就知道同头先个款好唔同，呢款系熟食蟹脚同蟹身，松叶蟹脚几厚肉，而且职员更加会好贴心地将蟹壳剪好，令到大家食起上嚟比较方便！海胆蟹膏甲罗烧，食完蟹脚同蟹肉，又点可以留咗蟹盖呢？呢个蟹盖除咗底层有满满蟹膏，同埋有少量菇菌同芝士放咗喺中间，除此之外仲有蟹肉，蟹子，以及海胆！海胆新鲜而且味道浓郁，虽然系一个小小嘅蟹盖，但系所有嘅食材各自有各自嘅鲜甜味道，真系相当有惊喜！最钟意佢以蜡烛座热，提升蟹膏既香浓味，而且内含嘅芝士更加平拉丝状态，感觉超治愈海蟹天妇罗，有别于一般嘅天妇罗，用上新鲜海蟹肉，在炸成天妇罗，沾上萝卜蓉以及天妇罗的酱汁，解一
每次黎到呢间日式餐厅都好有惊喜，除左佢地既环境令人好舒服之外，每款食物都放得好靓，感觉就好似要将野食最好既一面呈现系客人面前。本身一心过黎食佢地既打边炉半放题，不过最后比呢个"花木秋之海蟹盛宴"吸引，每款菜色都环绕『蟹』为主，誓要将整只一齐食落肚~
先来一客北海道雪场蟹肉刺身，因为系二人前关系所以每款嘢食都会有两set，蟹肉嘅外层应该用热水浸过，所以呈现鲜橙色，但食落去嘅口感其实系刺身蟹肉，味道鲜甜可口，沾上少量蟹醋，提升口感层次。
冰镇香醋松叶蟹，一睇蟹脚嘅外型就知道同头先个款好唔同，呢款系熟食蟹脚同蟹身，松叶蟹脚几厚肉，而且职员更加会好贴心地将蟹壳剪好，令到大家食起上嚟比较方便！
海胆蟹膏甲罗烧，食完蟹脚同蟹肉，又点可以留咗蟹盖呢？呢个蟹盖除咗底层有满满蟹膏，同埋有少量菇菌同芝士放咗喺中间，除此之外仲有蟹肉，蟹子，以及海胆！
海胆新鲜而且味道浓郁，虽然系一个小小嘅蟹盖，但系所有嘅食材各自有各自嘅鲜甜味道，真系相当有惊喜！最钟意佢以蜡烛座热，提升蟹膏既香浓味，而且内含嘅芝士更加平拉丝状态，感觉超治愈
海蟹天妇罗，有别于一般嘅天妇罗，用上新鲜海蟹肉，在炸成天妇罗，沾上萝卜蓉以及天妇罗的酱汁，解一解油腻感觉，整体都不错。
除此之外仲有一个暖胃嘅茶碗蒸，唔好睇小呢一碗细细的茶碗蒸，用了亦相当丰富，放咗好多蟹肉喺入边，最钟意茶碗蒸嘅蒸蛋，口感滑滑的
虽然食左好多款嘢食，不过仲未完嫁！而家介绍嘅系海蟹窝物，其实即系素菜火锅，鲜甜新鲜嘅菜以及蟹脚系汤底上煮熟。除咗蟹钳之外入边都仲有两款蟹脚，已经帮忙剪好蟹壳，所以好轻易我可以食到，真系好贴心嘅服务其实食到呢个时候我已经相当之饱！可能对于胃口比较细嘅我份量就比较多。
其实花木我已经食过好几次，每一次嚟呢度都好有惊喜，今次呢个海蟹箱押寿司有别于上次食过嘅手额寿司，以箱押认识制作而成，所以成形就系长方形，见唔见到外层既蟹肉丝？除咗上边果层，其实中间仲有无数嘅蟹肉丝夹杂住，因为返嘅比例相对比较少，所以用筷子夹就会比较容易散，所以尽量唔好斯斯文文食，最好一啖食晒落口！
蟹肉丝相对地冇之前食开个几款蟹脚咁鲜甜，所以个人建议加上山葵以酱油提鲜，左手边嘅寿司最特别系上边嘅蟹膏，香浓味道比起头先食嘅蟹盖盖更加浓郁香滑，食到呢度肚子已经相当满足❤️
虽然个肚已经好满足，不过都唔可以唔食呢度嘅甜品架！呢度嘅甜品我觉得最出色嘅系呢款外型比较普通嘅奶冻，奶冻好似采用超浓缩牛奶制作而成咁，食落口味道浓郁而且口感极之细滑，每次食呢个甜品都一试难忘，今次嘅奶冻更加加入左抺茶系上面，令到食起上嚟多咗一重口感。每次黎花木食饭都相当有惊喜，今次食呢个全蟹宴完全丰富我味蕾！虽然份量个人觉得有点多，但系真系不妨一试
张贴
