花月庭 (已結業)

复活节想食好D而且 又有消费劵,就谂到去食Buffet, 而家好多酒店都做晒隔离酒店, 突然谂起花月庭好耐都冇食过, 所以成家人去试下, 我地食2:30-5:00时段, 本身5个人之后想加多两个, 点知佢话full晒唔比我地加, 咁算啦, 可能真系好爆啦, 我地黎到2:15左右已经见有一大班人排紧队, 有个职员出黎叫我地扫安心出行, 我地等左一阵就开始比入, 入到去虽然2人一枱, 但佢比左张8人枱我地, 咁点解当日又话唔可以加人呢? 另外我地食食下都见到附近有好多吉枱, 所以我真系唔明点解佢话full晒唔比我加人.....入到去当然食我最爱既生蚝啦, 每人每次只可以拎两只, 虽然要排队但每次都好快就拎到, 洗生蚝果位侍应好好礼貌, 每次客人拎生蚝时都会讲声多谢, 佢对每个客都有讲, 值得一赞其他熟食方便比较少款, 都系一D大路野, 值得一赞就系佢有两大品牌雪糕任食, 大满足果日用消费劵埋单, 仲有一人一杯橙汁送, 小朋友有一盒曲奇, 有只人扮既兔仔同你影相, 同埋有个估蛋游戏,气氛系几好既