Oyster Season

营业中

休息中

来自元朗的蚝之神，小店为位于元朗马田果边都容易揾，餐厅装修似足欧洲，坐系到食野感觉好舒服，每张枱都有枱灯，感觉几浪漫。晚餐有几个set，不同生蚝刺身配前菜、餐汤、海鲜、主菜，仲有甜品👏🏻 佢地housewine Terrazas Reserva Chardonnay好好饮，清清地带石榴香✨❁ 生蚝刺身拼盘三款来自法国嘅生蚝，店家好贴心由味道咸淡顺序排好，排头位既系Tia Maraa，淡淡海水中有回甘，Gill masse 海水味重又黎又爽口另外有带子、虾、车厘蚬同黄金螺，带子肉厚而结实好甜又新鲜，虾弹牙爽甜大只。前菜有大虾沙律🥗黑醋份量刚好。蕃茄汤加左薯仔入面煮所以好浓😋清酒蒜蓉煮蚬，啲蚬涨卜卜大大粒无沙好方便食，个汤好正咸咸香香，清酒汤都饮埋。 ❁ 招牌鹅肝粒焗杂菌饭用锡纸包住非常有神秘感，饭上面铺满杂菌同鹅肝，本身有啲鹅肝师傅已经整碎左😍仲留左一大件比我哋自己整，鹅肝煎到金黄色好香，鹅肝油脂味道白饭，推荐👍🏻👍🏻👍🏻❁ 鲜茄虎虾意粉意粉一上枱就俾佢个大虾吸引住，虾好大只够爽口，餐厅用咗扁意粉，吸收晒茄汁香另外配以椒一齐煮，卖相吸引😋最后有开心果、朱古力雪糕做甜品，好满足。