蠔站 (黃金廣場) (已結業)

又系食蚝嘅季节今次呢间专食生蚝嘅餐厅，叫咗佢嘅特价$10 生蚝，叫咗半打试试佢，店员话系美国来嘅生蚝，佢唔算话好肥美，但系佢每一只都好香蚝味，同时都唔腥。南瓜粟米汤满满的南瓜香同粟米味香，虽然系普通嘅材料但系都几好饮。白酒香蒜辣椒蚬肉扁意粉佢嘅香料好多，但同时又唔会抢咗蚬肉嘅鲜味。一开始以为佢咁多辣椒一定会好辣，但系原来唔算好辣，配合得啱啱好。石烧谷饲纽西兰牛柳原本对一百几蚊嘅扒其实就真系冇乜期待，点知原来都几高质，同埋肉质都算冧，而且佢成旧牛柳好厚身，肉汁丰富。再配埋佢个石板，原本只系一成熟嘅牛柳就可以比我自己调配熟嘅程度，贴心嘅系，店员话如果块石板已经冻咗嘅话就可以换板。