The Luxe Seafood Bar & Resto (已結業)

系OPEN RICE度睇到D食评，见到好多人upload手机咁大只既生蚝，搞到我好期待，带埋Daddy Mammy黎一齐食，结果好失望。生蚝只系普通size，我望左好多转都无惊喜，亦唔觉有分美国日本，可能我唔识啦。食落好多沙，不过好彩唔腥，都算新鲜既。而生虾刺身好唔掂，霉既，一剥就知，咬一啖就更唔想食。除左生虾刺身，就只有三文鱼刺身，仲要轮流咁出，位置系生蚝附近，refill得好慢。熟食有呢款即整既奄列，几唔错，几好。其他熟食样样试左Ｄ，系觉得个辣猪手辣得黎又几好食，同埋辣蟹唔错，但就剩返晒Ｄ蟹钳，现场又唔多觉有工具食，难怪。甜品都好一般，但个豆腐花几滑，屋企人有encore。其他都好一般。综合黎讲，只有90分钟食好伧促，食物款式的确少，无乜选择，汤都只有杂菜汤，仲要refill得好慢，好似唔够人手咁。 如果同样比200几蚊为左食蚝，我宁愿去八幡屋食日本放题加钱，至少有带子刺身先。