Season Oyster & Wine Bar (已結業)

自问对港岛区餐厅唔太熟悉，夜晚想西餐之余，又想食到新鲜生蚝。偶然发现呢间西餐厅，价钱算系相当亲民。-烤焗海鲜拼盘 $298拼盘份量算几足，包括咗2只芝士焗原只龙虾、2只巴马臣芝士焗扇贝、4只蒜蓉翡翠螺、2只牛油蒜蓉焗虎虾、芝士黑松露焗大蘑菇。龙虾铺满经烤焗嘅芝士，咸香十足，如果龙虾肉再多汁啲会更好。最为欣赏大蘑菇，汁多有口感。其余海鲜香气稍嫌不足，入口未够惹味。-精选生蚝 $54/半打呢款生蚝体型较小巧，拼盘伴有海鲜酱蘸取。生蚝胜在够新鲜，带海水咸香但不觉腥腻，适合惊腥味嘅人士食用。肉质嫩滑，入口滑捋捋。-明太子鸡翼 $58/4只一上枱已经传嚟阵阵香气嘅鸡翼，外型饱满焦脆。鸡翼酿有明太子馅料，辣味唔算突出，只系增添咗少少口感层次。-菠萝味手调啤酒 $58手调啤酒设有几款水果口味，今次拣咗菠萝味一试。虽然饮得出系菠萝味，但水果比想像中淡，麦味反而更突出。面层仲有绵密泡泡，卖相几可爱。-冻蜂蜜柚子蜜 $28表现正常嘅一杯特饮，拌匀后饮用都唔会太甜，润喉清甜。