影片
更多
2024-03-29
7744 浏览
今年嘅米芝莲其中一个推介系大家都好熟悉嘅生记饭店，好多人都奇怪，点解佢会重新上榜，原因佢搬咗舖之后，米芝莲就当新店处理，位置就喺大家应该都好熟悉嘅三湘大厦。新店比旧店大好多，有劲多房，幸好有朋友识人，攞咗一间细房，比以前旧店更加舒适，当然地点上可能冇咁方便，但系我又觉得其实交通都四通八达，唔难去唔难揾。当日太过轻敌，冇谂过七点几虾多士都已经卖晒，不过幸好都有其他精彩菜式，大家去食饭记得要预留。冇食几年，当然最挂住佢嘅上汤枸杞浸厚切猪膶，比起汉发面家我觉得佢嘅猪膶做得较为高贵，而且个汤加上豆苗后特别鲜甜。第二个菜式一定系挂住佢嘅家传手艺生煎莲藕饼，呢个系绝对出色，基本上完全冇失色冇退步。烧味又系出色，同附近嘅喜万年各有特色，我都几钟意佢哋叉烧，乳猪同古法盐焗鸡，后者嘅脆皮，尤其出色，叉烧系半肥瘦嘅感觉，好得。好多人都话佢嘅咕噜肉好出色，可能之前食革新会个咕噜肉太强，呢个冇上次咁好嘅经验，但系如果你唔系非常高要求呢个绝对合格有余。另外佢嘅柚皮都系传统嘅手艺，同好多间城中出色嘅中菜同样做得好好，仲有杏汁白肺汤都系传统嘅好野。不过最出色嘅系佢嘅砂锅菜式，食咗个砂锅菜煲已经感受到佢嘅厉害，最推介
新店比旧店大好多，有劲多房，幸好有朋友识人，攞咗一间细房，比以前旧店更加舒适，当然地点上可能冇咁方便，但系我又觉得其实交通都四通八达，唔难去唔难揾。
当日太过轻敌，冇谂过七点几虾多士都已经卖晒，不过幸好都有其他精彩菜式，大家去食饭记得要预留。
冇食几年，当然最挂住佢嘅上汤枸杞浸厚切猪膶，比起汉发面家我觉得佢嘅猪膶做得较为高贵，而且个汤加上豆苗后特别鲜甜。
第二个菜式一定系挂住佢嘅家传手艺生煎莲藕饼，呢个系绝对出色，基本上完全冇失色冇退步。
烧味又系出色，同附近嘅喜万年各有特色，我都几钟意佢哋叉烧，乳猪同古法盐焗鸡，后者嘅脆皮，尤其出色，叉烧系半肥瘦嘅感觉，好得。
好多人都话佢嘅咕噜肉好出色，可能之前食革新会个咕噜肉太强，呢个冇上次咁好嘅经验，但系如果你唔系非常高要求呢个绝对合格有余。
另外佢嘅柚皮都系传统嘅手艺，同好多间城中出色嘅中菜同样做得好好，仲有杏汁白肺汤都系传统嘅好野。
不过最出色嘅系佢嘅砂锅菜式，食咗个砂锅菜煲已经感受到佢嘅厉害，最推介嘅系佢嘅砂锅鲍鱼鸡粒焗饭，食到好饱惊我哋都食咗几碗，一定一定要试。
喜欢加多个椒盐鱿鱼须同甜品白糖糕，都系当天favorite 。
最重要食咗咁多嘢都系几旧水一位，又坐得舒适，几日后推荐左朋友食都好钟意，绝对系同朋友聚下食饭嘅选择。
张贴
