the Engine

营业中

休息中

近排天气不稳, 冇得外出跑步, 唯有食返d健康餐keep fit。同事介绍公司附近有间主打生酮饮食嘅餐厅, 味道唔错又健康, 于是今日放工去试下。餐厅主要为外卖店, 但餐厅两旁都有张小小餐台供堂食。Menu上每款食物都有显示食材明细同埋营养指数作参考。烟三文鱼牛油果生酮汉堡自家制生酮包夹住多片烟三文鱼、生菜、薄蕃茄、烟肉同埋牛油果酱。生酮包质地比法包软熟一点, 有天贝嘅麦味, 上下札实嘅口感一咬之下, 中间嘅牛油果酱bi出, 夹集食到咸香烟三文鱼、爽脆清新生菜、偏干身香口烟肉, 蕃茄片太薄, 仔细细味都有清甜蕃茄汁。烟三文鱼烟肉粟米牛油果沙律垫底有清新沙律菜, 面层布上多片烟三文鱼、牛油果酱、蕃茄仔、鸡蛋切片, 再洒上硬脆烟肉粒, 另外配上甜酸醋, 自行加入, 非常开胃。不过成碗都唔见有粟米 (应该比漏咗)法式油封春鸡配砵酒洋葱及椰菜花扒呢款最有惊喜, 春鸡即焗, 外皮微微脆口, 肉质好滑又juicy, 特别系髀位 (除咗鸡胸比较鞋), 春鸡腌得入味, 咸咸地, 砵酒洋葱甜甜地, 椰菜花扒垫底同埋茄子伴碟, 两者索咗春鸡肉汁精华, overall味道唔错!