たまご園 (形點 I)

营业中

休息中

因工作关系今日过到嚟元朗。午饭时间就喺附近揾嘢食。见到商场里面有间餐厅Tamago-EN特别光猛整齐，所以决定一试。餐厅以鸡蛋为主题。以日本冲绳直送新鲜鸡蛋为卖点，制作正宗玉子料理。更加有生鸡蛋的料理可以选择。店舖装修简单而整洁，简单嘅蛋白加蛋黄嘅颜色，得意之中亦都非常简单舒适。无论长身枱面以及天花板你都见到可爱嘅鸡蛋造型，小朋友一定十分喜爱。原来午饭时间更更有沙律同埋汤附送。看过餐牌后，好想试吓佢哋嘅生鸡蛋。所以点了"特制TKP～海虾明太子酱冷意粉"。沙律嘅蔬菜非常新鲜爽脆，配以日式芝麻酱，实在系一个非常好嘅头盘。吃过沙律后，主角嘅意粉终于来到。原来生鸡蛋下边就系用蛋白打成嘅泡沫，配以相当之多嘅沙律菜、新鲜冬菇及本菇，以及相当多嘅海虾，卖相相当吸引。当蛋黄汁混和了蔬菜、海鲜以及冷制天使面之后，蛋汁发挥了非常重要嘅角色，它将意粉海鲜菇类融会在一起，相当柔和的感觉。当中厨师特别加入左少少嘅紫苏叶丝，令到整碟意粉柔和中带点清新，亦都系整碟意粉其中一个亮点。唯一美中不足的是当中嘅海虾虽然系爽脆但系缺乏鲜味。舒适的餐厅加上这个用心制作嘅意粉，盛惠$100左右，相当满意吧。