影片
更多
2013-05-07
1067 浏览
久闻季季红酒楼既乳猪火喉够整得好正，今次托友人同公关公司既福有幸一试。唔嚟都唔系好知原来近期酒楼有一系列既生日猪围宴，将传统既乳猪由婚宴蒂到生日饭上，感觉好新奇 !每围生日猪晏都会上埋一份道具，有生日帽同眼镜。个SIZE系大人细路都啱用，比较SURPRISE既系个个道具上而都有个猪鼻LOGO，而寿星帽系更大更SHARP更靓，令生日猪既主题更加突出，可见酒家既心思同创意。其实有人生日咁样玩一轮笑下开心下，未食野就笑下先都唔错。虾禾米乳香猪 上猪啦! 虽然E只系唔够20日既小猪，不过12人食完全够食，感觉都好大碟好得体。而平时生日总会有吹洋蠋切CAKE许愿既环节，估唔到今次中菜都有足，而主角就由CAKE变左做生日猪。玩完一轮影完相，职员就会将只猪拎埋侧边切，有兴趣既可以去望下，唔忍心小猪被切既又可以坐系到等。负责既同事好快手就搞掂啦。 乳猪都几脆，不过咁细年纪既猪估唔到都有唔少肥膏，所以我食左一旧起两旧止就够啦。反而D饭嗅落几香，食落比较硬身，我本人就几钟意干身既饭，贪佢冇咩炒唔够而油林林既感觉，所以食左成两碗。南非冰玉鲍鱼 紧接就系一个冷盘鲍鱼，配上WASABI嚟食。 未上菜之前我仲以
每围生日猪晏都会上埋一份道具，有生日帽同眼镜。个SIZE系大人细路都啱用，比较SURPRISE既系个个道具上而都有个猪鼻LOGO，而寿星帽系更大更SHARP更靓，令生日猪既主题更加突出，可见酒家既心思同创意。其实有人生日咁样玩一轮笑下开心下，未食野就笑下先都唔错。
虾禾米乳香猪 上猪啦! 虽然E只系唔够20日既小猪，不过12人食完全够食，感觉都好大碟好得体。而平时生日总会有吹洋蠋切CAKE许愿既环节，估唔到今次中菜都有足，而主角就由CAKE变左做生日猪。
玩完一轮影完相，职员就会将只猪拎埋侧边切，有兴趣既可以去望下，唔忍心小猪被切既又可以坐系到等。负责既同事好快手就搞掂啦。 乳猪都几脆，不过咁细年纪既猪估唔到都有唔少肥膏，所以我食左一旧起两旧止就够啦。反而D饭嗅落几香，食落比较硬身，我本人就几钟意干身既饭，贪佢冇咩炒唔够而油林林既感觉，所以食左成两碗。
南非冰玉鲍鱼 紧接就系一个冷盘鲍鱼，配上WASABI嚟食。 未上菜之前我仲以为系将一D好新解既鲍鱼生食，点知原来系E个样。其实食落完全唔系我谂果种，而比较似去寿司店食鲍贝片。所以E个口感搭E个SIZE真系有点难进食。
蟹肉扒麦菜芯
平时去饮食E道菜通常都会配豆苗，今次第一次食系配油麦菜。其实D菜都几嫩，不是唔知系蟹肉汁唔够多家菜太大块，令到我有点难同时进食菜加蟹肉汁。个人都系比较喜欢配豆苗的感觉，不过季季红E碟菜令我欣慰既地方系佢唔算多油，食完唔会有成口油既差劲感觉。
猪肺顶蝴蝶腩炖菜胆汤
E个坚系正 ! 平时我好憎饮猪肺汤，总觉得会系唔清洁同饮落有味。不过佢完全冇E回事! 大家下次嚟都不彷一试!!
芝士焗爽蚝 又系睇MENU好期待既一味，不过个样同想像既又有点出入。从其他食客得知爽蚝原来同平时就咁焗既蚝有分别，所以就有肉壳分离既情况。不过今次既爽蚝鲜味较为不足，芝士汁似系就咁放上去，冇一种焗芝士既香味。
砂锅头抽鸡 今次只鸡几入味几滑，味道几有水准，不过视觉就较难接受。因为佢用左个好高身既容器上，我地唔特登企起身系唔多望到到同夹到。而个容器仲要劲似厨房既工具，唔似上桌用既。如果佢可以转用个浅身点既石锅，一来买相好D，二来可以KEEP到个热度，咁E个小菜就大大加分啦!
大桂皇两味 -松子桂皇球
-古法炆头腩
因为我自己唔好鱼，所以食左好少同唔系好识，各位有兴趣就自己试下啦。
马拉千层糕 宫廷桂花糕
千屠糕个SIZE切得刚刚好，加上又几松化。有时系其他地方食佢地会加层奶黄，而季季红就冇加，不过佢个甜度又刚刚好，简单得嚟又好食既糕。
而桂花糕我因为太饱而冇食到，不过望落系好足料，应该唔错。
其实部份小菜虽然称不上一试难忘，不过生日要既就系要一班人柴哇哇下开心下，加上大家玩一玩新意思，唔买CAKE而转切生日乳猪都真系几特别，仲要帮上左年纪既长辈庆祝生日都完全啱玩，大家可以一试。而今次我俾左个哈哈笑季季红，就系俾佢既创意同果种喜悦既感觉，与其说系开饭之选，不如改成生日之选。
张贴
