海街丼 (海光街) (已搬遷) 新店位置

最近鲗鱼涌开左一间刺身由东京筑地直送嘅丼饭专门店: 海街丼。每日Lunch一到繁忙时间就大排长龙, 虽然我地系附近返工, 不过lunch时间唔多, 我地要趁人龙唔长嘅时间先食到。😙Lunch除左有普通set之外, 我地上次去食店员推荐我地食果款日替空运鱼生丼更令我一试难忘。😍最近呢几日lunch经过时都太多人排, 为左解瘾, 今日一收工, 6点未到我就去左海街丼, 趁人未多时去叹返个丼饭。😆餐厅装修以木色为主, 配合乌丝灯饰, 富有日本鱼市场风格之余亦好有格调。鱼生拼盘(3人前) $95晚市每晚都有提供四款刺身选择, 而刺身用嘅鱼系由日本渔港直接空运到港, 非常新鲜。我点左鱼生拼盘(3人前), 今日嘅日替刺身系真鲷, 贝柱同章红鱼, 由于刺身用鱼无经过急冻冷藏, 肉质份外鲜甜。😋海宝丼 $210呢款海宝丼Lunch都有, 不过晚市另外加上鱼介汤, 刺身超丰富, 种类好多而且海胆劲鲜甜, 丼饭配特制寿司醋啫喱非常惹味, 刺身混入寿司醋啫喱丼饭一齐食不需要沾酱油都非常美味, 最后加上鱼介汤制成鱼汤泡饭, 味道一流。👍海街丼呢度嘅刺身质素相当高, 而且价钱唔贵, 性价比好高。👍