牧羊少年咖啡館 (德福廣場1期)

营业中

休息中

之前坐月只可以中餐同埋饮补汤已经有啲闷，所以一到咗一百日就出去同朋友食餐好嘅😉牧羊少年食咗好多年，但系德福呢间真系未食过，不过可能我对牧羊少年嘅认知系牧羊少年浮萍𠮶间，所以对自己个期望要调整少少。讲吓嘢食嘅部份先其实个二人餐四百几蚊有咁多嘢系抵嘅，个人认为个冬荫工场通粉非常惹味同埋佢嘅海鲜系足料嘅，呢个就算我散叫都会叫一碟俾自己食。主菜个烧排骨好入味同埋啖啖肉，基本上唔需要食晒都已经饱。咁多样嘢里便我稍为觉得焙茶心太软焗得太耐，因为佢冇咗流心个感觉，但系焙茶嘅香味十分之浓郁，配提子冧酒味雪糕十分之夹。