瑞士咖啡室

营业中

休息中

今日一大清早同另一半出到去葵兴去搞证件，所以就喺附近食埋早餐。今次嚟到瑞士咖啡室嗌佢地嘅：1）沙嗲牛面，炒蛋丹麦多士，热鸳鸯 ⭐️⭐️⭐️⭐️ / ⭐️⭐️⭐️⭐️⭐️2）吞拿鱼烚蛋多士，雪菜肉丝米粉，热奶茶 ⭐️⭐️⭐️⭐️ / ⭐️⭐️⭐️⭐️⭐️早餐俾坊间嘅平，但唔代表冇质素，沙嗲牛面嘅牛肉有口感，虽然沙嗲味唔系特别浓烈，但个人而言朝早食得淡味啲反而唔错，丹麦多士比起红茶嘅来得出色，无烤过龙。多士亦都炒得唔错，唔会因为太生而有啲水。本身系叫咗鸯走少甜，但黎到嘅系鸳鸯🥲因为另一半唔舒服嘅关系，所以就嗌咗吞拿鱼烚蛋多士加个雪菜肉丝米粉，烚蛋有少少过咗火候而令到个蛋黄有少少黑边，但整体配上吞拿鱼酱都好多色，好多时出面嘅雪菜肉丝都系基本上无肉丝，但起码今次呢个细细碗都食得出肉丝嘅口感同埋雪菜嘅香味，因为都食到好饱，所以佢都饮唔晒杯奶茶。埋单两个餐$68，我同另一半都觉得性价比好高，始终呢间茶餐厅定位系附近工厂大厦嘅人士，所以定价都比出面偏低少少。环境方面系啲开咗几年冰室嘅容貌，feel到有啲岁月，而服务我个人嚟讲觉得唔错，问佢地攞杯水同纸巾等，都唔会因为朝早就西口西面，比起红茶已经好好多，所以经开附近可以去试吓。😉