夢の丼 (已結業)

深海池鱼刺身($78)，采用鱼腩最肥美既部位，肉质颜色呈鲜嫩粉红，肉身软腍，近皮位置肉质结实，两者结合一齐咀嚼口感丰富，配面豉酱用咸食方法几创新，但确实都几夹。赤贝刺身($58)，超爽口，每咬一口都有“索索”声感觉，唔舍得一口食晒，慢慢逐少逐少细味。矶烧帆立贝($68)，先食净食帆立贝一少口，肉质鲜甜而且炙烧过带点焦香，跟住再用紫菜包住食，真正外脆内软既感觉，加上调制过既辣粉，辣度适中唔会太淡冇辣味，亦唔会太强抢过帆立贝既鲜味。左口鱼边寿司($96)，鱼既油脂含量非常高，入口有溶化既感觉，非常肥美，木鱼碎有中和作用。蟹膏豆腐($48)，细细粒一口一粒，浓郁既蟹膏味在口腔徘徊，豆腐同样系炙烧过带焦香。花锦鱼生丼($188)，一碗丼饭已经用上左13款材料，全部切成丝或粒状，所以系搅拌后进食，咁就每一啖都几乎可以食晒咁多款材料。梦之丼($298)，食哩个丼饭前，店员推介可以先饮一少口橙醋，我觉得有助清除口腔余韵味道同埋有d醒胃作用，梦之丼用左7款材料，每款材料都光泽证明新鲜上盛，而且鱼生都系厚切啖啖肉好肥美，当日牡丹虾转左大拖罗，色泽呈鲜粉红，油脂一入口已经即刻溶化，海胆颜色亦都呈鲜艳，味道