Boring?! (黃埔天地美食坊) (已結業)

约咗好姊妹去黄埔行街，要揾饭食美食坊系最好选择，一段时间冇黎又转左唔少新牌子，呢间西餐厅门外睇落感觉唔错，价钱又够优惠就走入去。餐牌选择唔需要多，啱食就够，呢度嘅二人餐有几款选择，拣咗呢款有羊架又有牛扒嘅， fit晒我哋口味。黑松露野菌泡沫忌廉汤，卖相非常别致，泡沫轻盈绵密，黑松露香味十足，加上野菌嘅香味，同有特色嘅芝士多士，感觉餐厅质素唔错！香芒大虾沙律用上新鲜沙律菜，大虾爽弹，肉质结实有甜味，朋友觉得芒果味道清香，我个人就钟意味道再重少少，但整体来讲都几好。美国肉眼扒同羊鞍个都点左七食，两样味道都唔错，肉眼扒肉汁煎封得好，够入味而且食落软谂，同最近去令一间西餐厅简直有天渊之别！羊架有3枝咁多，有别于平常伴碟嘅薄荷酱，呢度用薄荷酱同乳酪煮成汁，又好味又有特色，而且羊架一啲都唔膻，如果骨位再㶶少少就完美！不过我更加欣赏盛著羊架嘅烟肉洋葱薯饼，同普通薯蓉相比，多咗一份咸香同焦香味道，平时食羊架比较少配上呢款薯饼，感觉到店家嘅用心同埋诚意。五百几蚊2位各三道菜加埋饮品，而且环境又舒服，呢个价钱真系够晒优惠！