麥當勞

营业中

休息中

麦记之前喺FB刊登优惠卷，食早餐可以减$5，星期六于是嚟个Good Morning。珍宝套餐 $33.3套餐有猪柳一块､炒蛋､松饼､两块热香饼同薯饼，呢个餐咩都有， 最啱胃口大嘅朋友。先咸后甜，食咗块猪柳先。炒蛋算炒得唔错，唔会全熟，又唔会干得济，洒埋黑椒同盐就正晒。松饼要搽果酱先好食，不过通常一包果酱都唔够搽，要悭啲驶。薯饼除左点茄汁，就梗系要加埋好朋友 - 黑椒同盐。热香饼套餐 $29.3套餐有三块热香饼､一块猪柳同薯饼其实都几钟意食老麦嘅热香饼，十年如一日嘅水准，冇乜点走样，搽上半溶嘅牛油，仲有淋上重点嘅蜜糖，仲要喺热香饼上面界几刀，等热香饼吸得几多得几多嘅蜜糖， 湿笠笠咁最正。有优惠卷两个早餐可以悭番$10都算唔错，虽然麦记由美资变中资，好在质量暂时未见到有咩唔同咗。