泰金國 (已搬遷) 新店位置

呢间餐厅都有食过三四次，第一次系因为啲朋友介绍好味同埋够平，于是之后带埋阿爸阿妈嚟食。点知阿妈作为一个食家，竟然话啲生虾唔新鲜，又话啲嘢食无鲜味，最后来到今次自己食多次，就发现阿妈嘅味觉先系最可靠！呢间铺头walk in要等好耐，所以我每次都WhatsApp留定枱，要人齐先入得。今次平日夜晚七点半去到，都见到已经好多人排队入面座位唔多，环境简陋，不过都阔落，唔会话容易撞到隔离枱泰式醉猫炒金边粉都几辣，自己都食得辣嘅但都有少少呛口，入面有配肉碎同葱黎炒，个味道好够好浓味，金边粉都炒得好爽口，唔会湿漉漉，成碟菜好惹味泰式马拉盏炒通菜味道较咸，个酱汁食到有虾味，但菜叶比较少，好多时候食到啲木枝，或者系一啲干晒嘅菜叶泰式蒜蓉包闻落几香，但无乜蒜蓉味，净系食到几浓嘅牛油味，包面亦唔够香脆，成块包都系软腍腍嘅泰式咖哩炒蚬啲咖哩好黏，咖喱汁唔够香浓，蚬肉冇乜沙，但同时亦都冇乜咖喱味，似系煮熟啲蚬肉先再放落啲咖喱上面泰式烧猪颈肉就几好食，烧到啲猪颈肉嘅边香香脆脆咁，咬落啲猪油香出晒嚟，只系上菜嘅时候温度都争小小唔够热。另外𠮶酱汁好衬个猪颈肉另外叫咗餐单上面冇嘅生虾，一盘大约有七至九只，视乎每只嘅大细。