韓閣 (富裕樓) (已結業)

喺荃湾想用平民价，又食得丰富啲嘅韩国餐，谂起「韩阁」。食物款式多，味道合理，多款一人套餐几十蚊就搞得掂，性价比好高！餐厅装修走轻工业风，迎合年青人喜欢嘅风格。今次5点半前嚟到，食到下午茶餐，仲要免加一！✔️炸鸡特餐$108呢个下午茶餐好抵！$108已有4件炸鸡、芝士薯条、烟鸭胸沙律，2杯饮品！➖炸鸡各有2件鸡胸肉和鸡锤，外皮炸得香脆，而且系新鲜炸气，热辣辣。拣咗蜂蜜牛油味，点咗蜜糖和牛油嘅炸鸡味道丰富可口。➖芝士薯条作为配菜，薯条份量一啲都唔少！经过炸至金黄色后，再喺薯条上撒上融化的芝士和白芝麻，整体感觉又香又酥脆，再配埋茄汁食，更滋味！➖烟鸭胸沙律个沙律主要系蔬菜，加上醋汁，面头再加上一片烟鸭胸。➖大粒红豆奶茶(套餐+$8)煮熟嘅大红头更有嚼劲，混合埋奶茶，口感甜美！✔️海蚬大酱汤配青口$68呢个汤都几丰富，以海蚬和青口为主要成分，仲有海虾、豆腐、泡菜、芽菜等。汤底带有辣辣咸咸嘅味道，刺激味蕾，令人一啖接一啖。✔️泡菜猪肉芝士饭卷$58韩式饭卷内是薄切猪朒肉，煎至熟透，酸辣口味嘅泡菜，奶香浓郁嘅芝士味。每个饭卷都好饱满，仲大大件。