影片
更多
2010-09-16
1198 浏览
是日回老婆家吃饭，外父话去陈记斩半只烧鹅加料，心谂不如食卤水鹅啦，烧鹅几时都有，呢间卤水鹅，经常人龙长长，而且早收工（七八点就收），既然时间配合食到，就决定买卤水鹅。卤水鹅既好处系，拎到返去唔会因为时间而令到个皮唔脆。烧鹅，还是刚烧好脆皮最好味，不是刚烧起，起码也不要软皮吧，长车程我真系觉得搏唔过。是日都系咁长龙，呢间野态度一般，街坊都知，食得就预左，今日可能因为小ｄ对话，态度反而很好。此店有卤水鹅和卤水鸭两种卖，卤水鸭当然系平ｄ，卖法都系一只只计，卤水鹅则是段斤计。从窗已经看到，卤水鹅明显地大只过卤水鸭，佢系你面前斩俾你，照计都唔会搅错挂。除左卤水鹅，仲有卤水鹅肠、卤水蛋、卤水豆腐等等，只要你唔抗拒卤水，应该总有一样岩你口味。斩半边卤水鹅，要$200，我地计过，烧鹅半边只系$130度，其实系贵的，但呢度既卤水鹅真系好大只，装得满一个大饭盒有凸，其实计番斤两，可能同烧鹅价钱唔差得好远。师傅切都要ｄ时间，返到屋企就知原因，原来件件都系薄切。之前食过深水步鹅之极品，不禁作个比较。永腾既卤水味明显比鹅之极品浓及入味，刀功也是永腾切得更薄，永腾的鹅比较大只，未知是否狮头鹅，肉多自然吃得过瘾，鹅
卤水鹅既好处系，拎到返去唔会因为时间而令到个皮唔脆。烧鹅，还是刚烧好脆皮最好味，不是刚烧起，起码也不要软皮吧，长车程我真系觉得搏唔过。
是日都系咁长龙，呢间野态度一般，街坊都知，食得就预左，今日可能因为小ｄ对话，态度反而很好。
此店有卤水鹅和卤水鸭两种卖，卤水鸭当然系平ｄ，卖法都系一只只计，卤水鹅则是段斤计。从窗已经看到，卤水鹅明显地大只过卤水鸭，佢系你面前斩俾你，照计都唔会搅错挂。除左卤水鹅，仲有卤水鹅肠、卤水蛋、卤水豆腐等等，只要你唔抗拒卤水，应该总有一样岩你口味。
斩半边卤水鹅，要$200，我地计过，烧鹅半边只系$130度，其实系贵的，但呢度既卤水鹅真系好大只，装得满一个大饭盒有凸，其实计番斤两，可能同烧鹅价钱唔差得好远。
师傅切都要ｄ时间，返到屋企就知原因，原来件件都系薄切。之前食过深水步鹅之极品，不禁作个比较。永腾既卤水味明显比鹅之极品浓及入味，刀功也是永腾切得更薄，永腾的鹅比较大只，未知是否狮头鹅，肉多自然吃得过瘾，鹅皮也入味不肥，整只鹅我也很满意。
一家八人，吃半只真系太多，吃不完，下次还是叫上庄或下庄好了。
卤水鹅专门店，最近吃的两间，总括永腾比鹅之极品好不止一皮，但永腾铺仔细细位子不多选择也有限。阿鸿未有缘一试，黎紧会试下陈勤记，希望是更上一层楼吧。
张贴
