影片
更多
2011-11-26
11 浏览
星期六，无饭脚，所以收工后餐晏仔就自己搞掂。早前透过团购买咗一啲晌中环食店嘅套餐，睇睇有咩心水先？不如就食Grove啦，因为都差唔多到期，食番餐健康三文治，今餐就轻怡啲啦！团购内容系$23享用三文治一份（全份）、沙律杯一客、Mövenpick咖啡（原价$56），而且全日供应，堂食、外卖都得，又唔使话预订之类麻麻烦烦，想食就去换，好方便，中环又有分店。三文治又有5款选择：碎蛋沙律三文治、烧牛肉蜜糖芥末三文治、牛油果杂菜三文治、鸡肉凯撒三文治、香橙酱烟鸭胸三文治，都叫有几多拣。所以，咪买定以备不时之需。系唯一拣咗香港站嘅分店，依间无位坐，只做外卖，都OK嘅，买完咪返屋企边食边打食评啰！香橙酱烟鸭胸三文治睇得出制作有诚意，材料又够足。以多谷麦方包嚟做，唔系求其两片白面包，烟鸭胸、蕃茄、生菜一层叠一层，堆满成份包。而烟鸭胸几软又带有微微烟熏味，蕃茄生菜够新鲜，香橙酱橙味突出唔过甜，整体甚有水准！迷你鲜果杯原本个餐系跟一份沙律杯嘅，但不知何解，依家都系星期六晏昼点几啫，竟然卖晒，不过，仲好，店家以迷你鲜果杯代替，仲啱心水。鲜果杯有哈密瓜、菠萝、西瓜，哈密瓜唔多甜，但菠萝同西瓜就够晒好食，前者味香
团购内容系$23享用三文治一份（全份）、沙律杯一客、Mövenpick咖啡（原价$56），而且全日供应，堂食、外卖都得，又唔使话预订之类麻麻烦烦，想食就去换，好方便，中环又有分店。三文治又有5款选择：碎蛋沙律三文治、烧牛肉蜜糖芥末三文治、牛油果杂菜三文治、鸡肉凯撒三文治、香橙酱烟鸭胸三文治，都叫有几多拣。所以，咪买定以备不时之需。系唯一拣咗香港站嘅分店，依间无位坐，只做外卖，都OK嘅，买完咪返屋企边食边打食评啰！
香橙酱烟鸭胸三文治睇得出制作有诚意，材料又够足。以多谷麦方包嚟做，唔系求其两片白面包，烟鸭胸、蕃茄、生菜一层叠一层，堆满成份包。而烟鸭胸几软又带有微微烟熏味，蕃茄生菜够新鲜，香橙酱橙味突出唔过甜，整体甚有水准！
迷你鲜果杯原本个餐系跟一份沙律杯嘅，但不知何解，依家都系星期六晏昼点几啫，竟然卖晒，不过，仲好，店家以迷你鲜果杯代替，仲啱心水。鲜果杯有哈密瓜、菠萝、西瓜，哈密瓜唔多甜，但菠萝同西瓜就够晒好食，前者味香且甜，而后者肉质起晒沙又多汁。仲有，话就话叫「迷你」，但都成大杯㖞，唔系三几粒架！
Mövenpick咖啡果然几得㖞，咖啡味芳香细腻，无苦涩，属于无乜酸度嘅一种，同样又系啱我口味嘅咖啡。一份轻怡嘅三文治，一份新鲜嘅生果，加埋一杯芳香嘅咖啡，好满足嘅午餐啦！
整体服务OK，始终都只系买外卖，落完单等拎嘢走，不过，至少都睇到女店员时刻都保持微笑，而落单时男店员都稍稍讲解团购内容，唔饮咖啡嘅亦可以转其他嘢饮。所以，依个团购绝对收到宣传之效，会翻兜嘅三文治店！张贴
