Simply (已結業)

我哋深信区区都有好多低调而又好食嘅餐厅，大角咀呢个地方都系比较少人发掘嘅地点，所以我哋𠮶晚就勇闯大角咀，就比我哋发现咗呢间餐厅，食完真系觉得原来好食嘅二人餐都可以好平🥰二人晚餐 $388粟米汤稠度适中，系浓浓嘅粟米味，而且都几多粟米碎，饮落多咗份咬口🫶🏻水牛城鸡翼鸡翼都几大只，辣酱平均铺满系鸡翼表面，鸡翼肉嫩，辣酱唔算好辣，但只辣系几惹味同过瘾嘅🤪北海道带子牛肝菌忌廉汁阔条面份量都几足，有四大粒煎香咗嘅北海道带子，配上牛肝菌忌廉汁，呢个配搭非常舒服，带子好香，食落都唔会柴 ，个汁唔算好浓味，可以食得返带子嘅味道，阔条面就有啲咬口同埋几挂汁🥰美国安格斯牛肉眼扒叫咗五成熟，块肉眼都有一定嘅厚度，但切落去就感觉到有几软熟，食落牛味香浓又Jᴜɪᴄʏ，出色👏🏻牛角窝夫配雪糕呢款甜品有几款雪糕可以拣，我哋拣咗曲奇雪糕，窝夫好脆口，配埋雪糕食，冷热交融，非常爽🤣提拉米苏 +$28呢个大推，一定要加钱食，呢个Tɪʀᴀᴍɪsᴜ食落质感绵密配上适量可可粉，口感幼滑，酒香同咖啡味嘅平衡做得唔错，完成度都相当高😍呢个价钱包哂两个人嘅前菜，小食，主菜同甜品，真系好抵，而且每款嘅发挥都唔差，所以大家真系要支持多啲