泓一拉麵

营业中

休息中

背脂酱油拉面💛🍜好多人觉得食背脂拉面见到汤上面一层油脂一定会好肥腻，但其实唔一定嘅，泓一嘅背脂酱油就做得好好，完全无肥腻感，酱油味浓郁香醇，背脂香令酱油味更见突出，配合汤头入面紫洋葱碎完全饮出一份清爽感觉，喺香港食拉面可以连汤都饮晒嘅舖头唔多，自家制细面条，面质爽滑，挂汤力强，配料猪叉烧同鸡叉烧名一块，两者都做得唔错，尤其鸡肉做得好嫩滑，调味适中，带出鸡肉鲜甜，当然仲有至爱嘅溏心蛋，够味够流心。店家开12点，当日11:15到店只能够排到第三，又系排唔到第一，佢哋仲有个鸡白汤亦系做得唔错，完全对得起个价钱。小店只有6个位，想食有水准嘅拉面就要有少少耐性。