回味餃子豬．牛．鵝粉麵專門店

营业中

休息中

今日系铜锣湾行完街，行到好累，就系附近揾间餐厅医肚。见到回味饺子.猪.牛.鹅粉面专门店好似好多选择咁。就入去坐低食嘢喇。一路等嘢食嚟嘅时候，见到有姨姨亲手包饺子，真系好吸引，下次要试吓。净狮头鲜鹅拼盘（$198）：呢个拼盘包咗鹅翼，鹅肉，鹅肾，鹅红，鹅肠，味菜同埋芽菜，好丰富。当中最钟意食鹅翼，鹅肾，鹅红。鹅红咬落去有咬口，唔散。鹅肾爽口。鹅翼弹牙。佢嘅味菜亦都好惹味爽口，味道令人开胃。鱼片头河（$40）：河粉滑身，唔碎。鱼片咸鱼味重，口感弹牙。