順景食店

营业中

休息中

今次系第二次嚟食，相隔上一次已经成年前，第一次冇影相冇写食评。因为住新界既关系，相对嚟呢度食饭比较远，但为左呢个牛腩煲我觉得远d都值得。呢间系熟食市场既舖头，好岩我口味，汤好清甜，处理食材既方法亦都好好。清汤牛腩锅牛腩岩岩上枱既时候，牛腩未完全够身，仲有少少咬口，牛腩锅入面仲有牛蹄筋，牛骨，牛脆骨，牛毛肚，虽然每样只系少少，另外有白萝卜，粟米，食材简单，但系处理得好唔容易，因为每样食物炆煮至软淋既时间唔同，所以食得出系用心制作，个汤好清，食完之后唔会口渴，份量亦都好多，佢同果d出名既清汤腩舖头比较，真系一d都唔失色。慢火煲住咁食，d食物越煲越淋超正！上汤浸猪膶粉肠猪膶够厚，粉肠够淋身，汤饮落同牛腩煲有少少唔同，猪膶好爽食落口感觉好正，比果d做猪膶粉面既餐厅做得更好。未有机会试佢其他食材，望到鲮鱼球，上汤浸鸡，蒸鸡，手切牛肉，好多枱都有叫，呢间舖如果钟意食牛肉真系好大机会再帮衬。酒水又唔贵，见好多熟客都有带红白酒上去饮。