森泰遠甜品餐廳 (已結業)

喺apm晚饭后行前一个站搭巴士当散吓步,一落地铁站到观塘工业大厦个闸口就俾个广告吸引咗注意,系一间叫「森泰远」既餐厅,朋友又口痕想食甜品,于是上去睇下.餐厅系工厦入面,闸口行上一层好方便唔难揾. 随咗甜品,早午晚餐都有供应.入到去,气氛好warm,好relax嘅感觉.一坐低就俾自助早餐嘅poster吸引咗,下次过嚟呢头做嘢又多一个早餐选择,想像下咁轻松嘅环境食叹个早餐系几咁舒服. 睇返menu,款式都几丰富,最后我地就叫左两杯饮品,芝麻汤圆同法式蛋奄列.先黎芝麻汤圆,姜水好好味,姜味同甜度配合得好好,主角汤圆更加无失望,一食就知系自家制,皮薄但唔会容易烂,芝麻馅料好香口结实起沙,口感一流,一碗汤圆已经好有惊喜. 法式蛋奄列更加系用心之作,外表系奄列,切开里面系梳乎里,外脆内软口感一流,味道方面,一入口好香蛋味,但唔会太甜太腻,份量都唔算小,配埋生果做装饰,绝对系睇得又食得,朋友见到都忍唔住要打个卡呃下like. 呢度绝对系值得再黎,用心整出黎既食物食起系特别唔同,好欣赏呢份心思!!