鹿巷

营业中

休息中

今日OT，跟住仲要去西湾河训练，训练前要医肚，唯有食外卖，行经一间日式小店，门面都几吸引㖞！墙上餐单有咖哩系列、和风系列、串扬系列、扬物系列、和风小食和加配食品，仲有每日限量。我拣咗炒杂菜加配牛肉、两份三文鱼和溏心蛋（共$95），劲足料，好丰富！睇住老板即切即煮，够晒新鲜。炒杂菜好新鲜，除咗有大椰菜外，仲有洋葱、甘荀，炒得爽口，有些胡椒和芝麻香，不油不咸，健康之选。加配牛肉（$15）差不多有六至七大件，抵！炒至迫出油份，食落唔肥腻，整得入味，正！追加三文鱼 （$30/2份）好厚身，一片片鱼肉，无添加太多调味，食到原有味道。追加溏心蛋（$10/只）流心状极佳，滑嘟嘟，好有蛋香。