影片
更多
2009-06-16
29 浏览
13-06-2009(六) 4个女人仔都好似有几年冇写食评了,今次真系如果唔写番编食评真系对唔住自己过几日就系我的大日子,朋友仔话要请我食番餐好野,我就想打边炉,咁大家决定去佐敦牛x星啦,点知呀哥话如果牛x星咁不如滚得栈啦,呀哥话佢有个朋友好唔钟意打边炉嘅黎过呢度都话食完滚得栈以后都唔想去第二间打边炉,听完呢句真系唔去唔得,我地四个女人仔,一个在大埔出发,一个铜锣湾出发,一个机场出发,一个沙田出发,唔理有几远,点都要会一会呢间野,原来搭车都好方便,在丽都对面(近浪翠园方向)...呢度有室内室外,我地见大热天时,紧系醒少少book室内啦.book左7:30pm,但都full晒,要等一阵,乜E+ D人咁早就嘅!!!不过冬天坐室外一定好好feel!食物真系好新鲜,而且份量算多,仲有一样就系好细心的,如果人唔多3-4丁人,佢地系比人叫半份架,不过好似系要叫番同价钱食物,食物纸上亦有highlight招牌食品,汤底一D都唔孤寒,我地叫左木瓜猪骨+沙dad汤底,d木瓜好多,啖汤好够甜,再加水都仲系好好饮,同埋饮完都唔觉得口喝,汤底唔贵,仲好多款选择,呀哥话我知其实呢度嘅汤底佢试过晒,全部都好正架!
都好似有几年冇写食评了,今次真系如果唔写番编食评真系对唔住自己
过几日就系我的大日子,朋友仔话要请我食番餐好野,我就想打边炉,咁大家决定去佐敦牛x星啦,点知呀哥话如果牛x星咁不如滚得栈啦,呀哥话佢有个朋友好唔钟意打边炉嘅黎过呢度都话食完滚得栈以后都唔想去第二间打边炉,听完呢句真系唔去唔得,我地四个女人仔,一个在大埔出发,一个铜锣湾出发,一个机场出发,一个沙田出发,唔理有几远,点都要会一会呢间野,原来搭车都好方便,在丽都对面(近浪翠园方向)...
呢度有室内室外,我地见大热天时,紧系醒少少book室内啦.book左7:30pm,但都full晒,要等一阵,乜E+ D人咁早就嘅!!!不过冬天坐室外一定好好feel!
食物真系好新鲜,而且份量算多,仲有一样就系好细心的,如果人唔多3-4丁人,佢地系比人叫半份架,不过好似系要叫番同价钱食物,食物纸上亦有highlight招牌食品,汤底一D都唔孤寒,我地叫左木瓜猪骨+沙dad汤底,d木瓜好多,啖汤好够甜,再加水都仲系好好饮,同埋饮完都唔觉得口喝,汤底唔贵,仲好多款选择,呀哥话我知其实呢度嘅汤底佢试过晒,全部都好正架!..
我地叫左..
生炒糯米饭..好大碟,好多料,d饭系炒得好香,我地食左半碟,剩余半碟我拎番去比男友食,男友都话好耐未食过咁好味嘅糯米饭
牛颈脊(大)..哗!!!真系好掂,份量好足,好香牛味,又有质感
牛脊边+牛肉粒..又系份量好足够,个老细仲教我地牛脊边滚10mins已ok,真系好爽好有质感,又系好好味,牛肉粒个老细就叫我地滚耐少少都唔怕,但我地真系急不及待好想快D试,原来牛肉粒就算唔滚太耐都好好食,呢度D牛真系无得顶
虾丸拼墨丸(共16粒)..呢个又系必食,里面d虾肉都唔少架,好有虾味,墨丸又系有墨鱼肉,好够爽口
生根拼枝竹..同出面果d没大分别..
酸梅汤一渣..够冻,好大壶,比平时的一渣更大壶..
食物真系好新鲜,同埋真系用心去做,价钱好合理,朋友仔食食下已经问店员攞card片,佢地都好满意,多谢呀哥有咁好介绍!
当晚好似食左六佰几,唔系好记得,因为唔洗我比钱多谢朋友仔^^
张贴