犇 (已結業)

午市时间12点几到，餐厅系开放式厨房，一个厨师2 个侍应，餐厅当时只有10个客，一坐底侍应即刻送来柠檬水，之后介绍一轮餐牌，我点了烧猪仔肋骨伴薯条，我同事点了紫苏酱田缧意粉，同事意粉先到，上面有约莫10粒田缧，比想像多，同事话意粉唔系茶餐厅意粉，弹牙好多，酱汁亦炒至干身先，唔会淋Bap bap。等多一阵我的烧猪仔肋骨就到，先讲伴菜有沙律薯条，沙律菜一睇就知系手切，估唔到餐厅仔会用甘多心机系好多人都唔食既伴菜到，上面再加醋汁，入口感觉新鲜﹔薯条有加鬼佬餐厅爱用既辣粉，热喇喇即炸上碟，就甘食都已经好好味，另外一只小碟装左茄汁，相信系配合香港人口味﹔到烧猪仔肋骨，BBQ酱料加上嫩滑既真正BB猪，真系超正，唔怪之得个女侍应话系招牌。埋单无加一，有餐汤或餐饮，比起茶记都系多十元八块，绝对超值。 P.S. 𩠌到既时候已经全餐厅满座，仲有人排紧队。