影片
更多
2022-09-03
1402 浏览
旺角一直有一幢好神秘嘅大厦，入口位置喺正后巷，但有三分一楼层都系楼上Cafe。老实讲去过一次女仆Cafe感觉麻麻，唔想再嚟🙈。不过喺附近返工嘅朋友同我讲，今次带我去「Little Fresh Cafe & Bar」，我一定会改观。18楼出䢂后即时有意外嘅发现😳，明明同一幢楼，但只要用心装修成个格局即刻唔同晒。呢度楼层较高，而且善用大玻璃窗渗透自然光，即使望住街景都感觉开扬☀️。餐厅逢星期一至五由中午12点至下午5点提供午市套餐，有五款选择🍽，款式定期更换，价钱由$78至$98不等。价格属中等水平，不过其后考虑到佢嘅味道同份量，我认为系物有所值！纽西兰PS肉眼扒配薯菜($98)，🥩肉眼扒大大件，而且有一定厚度，唔系茶餐厅薄切𠮶种，所以整体口感唔错，肉质唔韧。牛扒本身嘅质素OK，生熟度控制得宜，再加埋餐厅自家制作嘅肉汁Gravy Sauce同干蒜片，食落相当惹味🤤，但又唔会喧宾夺主、盖过肉味。薯菜方面亦毫不逊色，薯条炸至外脆内软，唔油腻，轻轻洒上味粉已经好够味。同时，佢仲有烤蔬菜🥦，例如翠玉瓜同茄子等，以及估佢唔到嘅三色豆。黑松露吞拿鱼烩长通粉($78)，🍝长通粉都好味道，一上枱嘅时候浸黑松
旺角一直有一幢好神秘嘅大厦，入口位置喺正后巷，但有三分一楼层都系楼上Cafe。老实讲去过一次女仆Cafe感觉麻麻，唔想再嚟🙈。不过喺附近返工嘅朋友同我讲，今次带我去「Little Fresh Cafe & Bar」，我一定会改观。
18楼出䢂后即时有意外嘅发现😳，明明同一幢楼，但只要用心装修成个格局即刻唔同晒。呢度楼层较高，而且善用大玻璃窗渗透自然光，即使望住街景都感觉开扬☀️。
餐厅逢星期一至五由中午12点至下午5点提供午市套餐，有五款选择🍽，款式定期更换，价钱由$78至$98不等。价格属中等水平，不过其后考虑到佢嘅味道同份量，我认为系物有所值！
纽西兰PS肉眼扒配薯菜
$98
46 浏览
0 赞好
0 留言
黑松露吞拿鱼烩长通粉
$78
24 浏览
0 赞好
0 留言
田园沙律，🥗跟餐沙律一啲都唔马虎，菜叶嫩绿新鲜爽脆，用柚子醋调味唔太酸，再加埋蕃茄莎莎粒，做到开胃嘅效果。
是日餐汤，🍅餐汤款式系蕃茄杂菜汤，用足料煲，所以有唔少蔬菜汤渣，口味天然，唔系用茄膏开。随汤奉送一件真·蒜蓉法包🥖。
菠萝特饮
13 浏览
0 赞好
0 留言
我特别想开一段赞扬男店员嘅服务，佢比起五星级酒店嘅Staff，有过之而无不及👍。从入座开始，佢问及客人想唔想坐窗口位，先安顿坐低，再做妥防疫要求嘅工作。即使佢喺楼面一脚踢，但仍会帮忙斟水。其后，佢见到我哋Share食，又主动提出第二碟主菜分开后上。最后，佢仲送上优惠卷畀我哋下次帮衬用。从每一个细节位，我都感觉到佢嘅无微不至，以诚待客🙏🏻。
总括嚟讲，我会俾餐厅一百分💯，因为佢所有部份都让客人感受到何谓用心。等䢂嘅时候，我留意到餐厅张贴咗一篇采访，标题为「只要用心去煮 客人会感受得到」，我认为佢哋切切实实做得到，无忘开店嘅初心。我敢讲佢系我帮衬过最出色嘅楼上Cafe，没有之一，一改呢行劣食污糟邋遢揾笨嘅颓风🙈。佢亦系一间支持香港人嘅小店，值行大家大大力支持💛💪！
张贴
