影片
更多
2012-11-14
41 浏览
约咗人系金百利等. 专登自动传单睇下有乜好食. 见有间叫开心厨房晚市D餐几抵, $68或$88有汤, 有前菜, 有主菜有饭或甜品. 打算试下.上去之前已经专登来开饭网揾下料, 但见开心厨房已经执笠. 就无再深究. 上到去先知原来叫用心厨房...如果用呢个名再八下, 见到咁多喊样一定唔上来.....入到去见成间野得2台人, 各自坐了一个外国人, 已经有D不妙....算啦都上到来就....明明劲多位, 我地想坐开D, 个男经理竟然叫我地坐正系近窗的外国人隔离 我即时黑面. 佢见我咁即改口串我"哦咁你坐番呢到啦, 不过之后你地都咪又系要转位" 听见真系火都来埋. 你咁吉点会忽然间劲多客先! 我地得两个人食得有几耐占你个位呢?好喇心情已经唔多好.....睇餐牌睇来睇去唔见街招讲果个晚餐....感觉唔多老实专登要人问先肯比个MENU出来的下等招数....我攞了2张传单问, 一张话晚餐$88, 另一张又话$68或88, 内容唔同, 究竟边张先真阿叔侍应都搅唔清, 要问其他人先知. $68/88果张先真. $68个汤是栗米羹, $88是炖汤. 我地叫$88 SET. 但家阵个SET唔送甜品. 算了.
上去之前已经专登来开饭网揾下料, 但见开心厨房已经执笠. 就无再深究. 上到去先知原来叫用心厨房...如果用呢个名再八下, 见到咁多喊样一定唔上来.....
入到去见成间野得2台人, 各自坐了一个外国人, 已经有D不妙....算啦都上到来就....
明明劲多位, 我地想坐开D, 个男经理竟然叫我地坐正系近窗的外国人隔离 我即时黑面. 佢见我咁即改口串我"哦咁你坐番呢到啦, 不过之后你地都咪又系要转位"
听见真系火都来埋. 你咁吉点会忽然间劲多客先! 我地得两个人食得有几耐占你个位呢?
好喇心情已经唔多好.....睇餐牌睇来睇去唔见街招讲果个晚餐....感觉唔多老实专登要人问先肯比个MENU出来的下等招数....
我攞了2张传单问, 一张话晚餐$88, 另一张又话$68或88, 内容唔同, 究竟边张先真
阿叔侍应都搅唔清, 要问其他人先知. $68/88果张先真. $68个汤是栗米羹, $88是炖汤. 我地叫$88 SET. 但家阵个SET唔送甜品. 算了.
要了2种炖汤 --- 我饮海底耶无花果响螺鸡脚, 佢饮螺头煲鸡. 我果个完全无海底耶无花果味, 味精汤, 好假. 佢果个佢觉得OK
小食叫了一个油菜一个水晶肉. 水晶肉普通啦, 2块仔.
主菜, 柚子骨, 味道可以, 肉质可以. 虫草鸡, 都系可以的. 总体来讲, 非常一般
食嘅时候见果位经理大大声叫两个熟客定真系老板做老板. 又问人开唔开支酒. 之后就见佢地坐系卡位开餐. 果位经理完全无做野,哈哈
呢到D服务, 唔计阿经理, 都认真麻麻. 只有阿叔系好好多. 成间野只得经理识少少英文, 果两个外国人叫野有D鸡同鸭讲咁
叫SET饮野要另外加3元热饮, 5元冷饮. 当然无叫啦
呢一餐真系错咗一次, 唔会有下次
题外话/补充资料：
埋单比咗张会员黑金卡我, 写住开心厨房与酒吧. 最好笑系要储值消费到1000元先可以全晚菜式9.5折. 即系唔系次次来都有折㖞? 仲要晚市先有折?? 2000元先有9折, 3000元先有8.5折. 真系大想头啦!
(以上食记乃用户个人意见 , 并不代表OpenRice之观点。)
张贴