影片
更多
2019-03-06
39 浏览
入面环境虽然唔大，但好似有日式居酒屋feel，而且虽然佢系烧烤店，但都唔会成阵油烟，抽气系统几好，同埋有冷气，就算夏天食都唔怕！先嗌几款冷盘小食盐味枝豆 $28味道属于正常水准，但枝豆略嫌有啲瘦削，唔够饱满。胡麻豆腐 $32虽然只系百福豆腐，但嫩滑口感配芝麻酱真系无得输！烧夜芝士沙律 $68沙律上面多咗块烧芝士，沙律菜好新鲜！但块芝士系冻嘅有啲失望><!!串烧当然唔少得川烧韭菜$22、原条茄子$28次次食串烧都钟意食佢哋，茄子好惹味juicy，无烧到竉晒，韭菜口感鲜香爽口。跟住仲带咗蒜味牛油杂菇包$48，大大份好多蘑菇！牛油味香浓而且又有啲蒜香，好食！最惊喜系汁烧帆立贝串$32一串，估唔到咁大粒帆立贝，烧得啱啱好！入面仲keep到嫩滑口感！鲭鱼$38又系非常嫩口多汁，唔会烧到干争争！川烧秋葵虾$38原来系秋葵入面包住虾滑嘅物体，味道唔差，感觉特别！椒盐烧阿根廷红虾$18呢个真系好吸引，劲大只，剥开虾壳好多虾膏，而且肉质爽弹！仲有$70半打串烧系列！鸡腿肉、冬菇、金菇各两串冬菇唔会烧到好干，咬落依然好juicy！金菇其实我第一次食串烧，原来都好正！又系keep住好多汁，口
先嗌几款冷盘小食
盐味枝豆 $28味道属于正常水准，但枝豆略嫌有啲瘦削，唔够饱满。
胡麻豆腐 $32虽然只系百福豆腐，但嫩滑口感配芝麻酱真系无得输！
烧夜芝士沙律 $68沙律上面多咗块烧芝士，沙律菜好新鲜！但块芝士系冻嘅有啲失望><!!
串烧当然唔少得川烧韭菜$22、原条茄子$28
次次食串烧都钟意食佢哋，茄子好惹味juicy，无烧到竉晒，韭菜口感鲜香爽口。跟住仲带咗蒜味牛油杂菇包$48，大大份好多蘑菇！
牛油味香浓而且又有啲蒜香，好食！
最惊喜系汁烧帆立贝串$32一串，估唔到咁大粒帆立贝，烧得啱啱好！入面仲keep到嫩滑口感！鲭鱼$38又系非常嫩口多汁，唔会烧到干争争！
川烧秋葵虾$38原来系秋葵入面包住虾滑嘅物体，味道唔差，感觉特别！
椒盐烧阿根廷红虾$18呢个真系好吸引，劲大只，剥开虾壳好多虾膏，而且肉质爽弹！
仲有$70半打串烧系列！
鸡腿肉、冬菇、金菇各两串
冬菇唔会烧到好干，咬落依然好juicy！金菇其实我第一次食串烧，原来都好正！又系keep住好多汁，口感爽脆，值得encore！
鸡腿肉质嫩滑，大大串几抵食！串烧上面虽然洒左好多孜然粉，但入口又唔会好咸！
除咗串烧之外，仲有自选面食，选择好多
面条可以拣稻庭乌冬、赞岐乌冬或者拉面
我就拣咗鲜鱼浓汤稻庭乌冬 $52
入面本身已经有竹笋、木耳丝、粟米、日本鱼蛋、糖心蛋同紫菜，可以再自己加配料。加咗$28猪软骨，有成两大旧，肉质煮得入味又唔韧，够淋甜，软骨位就脆脆地，明显系自家煮，唔系罐头货！
乌冬煮得软硬适中，烟韧弹牙！
鱼汤够味又唔会过浓，饮得出唔系味精汤，感觉唔错👍🏻最后买单发现唔洗加一，咁计落价钱唔贵，因为食物都几高质素！
成间铺头得店主一个人care全部客人，但依然好注重水准，每一串都烧得唔错，感觉好有心机！
店主要继续努力❤️
张贴
