賞島咖啡屋

营业中

休息中

今日2個人黎太子食野，見ok多好評就黎賞島咖啡屋試下。平日有lunch set，百零蚊包個主食，飲品同前菜（可以揀沙律/湯）。番茄湯酸酸地幾開胃，沙律菜都新鮮。咁主食就有羊架同埋花椒蜆炒意粉。本身想叫烏冬可惜佢賣曬😂😂個花椒蜆炒意粉特別好食，有驚喜。微微嘅辣味配上新鮮無沙嘅蜆，好香口但又唔油膩。羊架有2大舊，整得剛剛好，唔會韌。有好香嘅羊肉味，唔係太騷，個人覺得剛剛好。甜品係cheesecake，暖暖地好好食，唔會太甜。飲品叫左個cappuccino同蜂蜜檸檬柚子水，咖啡拉花好靚，個蜂蜜檸檬柚子水就好可愛，勁大杯好似平時飲茶咁。整體餐廳食物質素都唔錯，對得住價錢。環境都幾好，係cafe 文青風。