Amici (已結業)

今日要同客食饭，佢介绍呢度食西餐唔错，咁就嚟食啦青瓜牛油果沙律青瓜丝、牛油果粒及沙律菜，食落非常清新，入面仲有黑白芝麻，好有口感而且芝麻味道好香！醋嘅份量啱啱好，唔会过酸，连我唔钟意食沙律嘅都非常非常满意南瓜忌廉汤饮落好滑但唔稀，南瓜味道清甜，上面仲放咗啲南瓜籽增加口感面包香草味重，但可惜硬咗啲，如果可以烘热一吓先上菜会更好香煎盲𫚧配咸柠檬牛油 ($198)色彩缤纷，盲𫚧肉厚，层鱼皮煎得超级靓，切𠮶阵系脆到不得了，食落仲好香口又有淡淡柠檬味，但鱼肉非常柔嫩，鱼油充足，皮脆肉嫩真系好好味！激赞！慢煮西班牙黑毛猪鞍 ($198)好大块，放喺盲𫚧隔离显得仲厚身！食落黑椒味香但唔抢，有猪肉香，一啲都唔韧，好有咬口感，尤其是咁大块所以食得好开心，完全唔会有唔够饱嘅感觉！旁边嘅系炸玉米，食落好酥脆又软，爱不释手！个客又真系冇介绍错㖞，食得出大厨系用心煮，两碟主菜嘅味道都非常出色！而且店员服务态度超好，另外冷气够晒劲，夏天嚟食都唔洗怕！