喜樂餐飲.教室 (已搬遷) 新店位置

平日中午都多人, 要等等位, 所以唔系次次都去食, 但系我真心喜欢呢间店.听个名都知同教会有关, 入面布置好家庭式, 食物亦好住家饭, 最常见炒牛肉配红米饭, 有碗汤, 我觉得好健康, 应该冇加味精. 如果唔系咁忙既时候, 啲阿姐阿哥会同你倾吓计, 真系好温馨. 黎开会发现好多熟客, 我就病病地既时候特别挂住要去, 可以选择清淡啲, 同埋感觉温馨舒服, 有益过去瑞士茶餐厅食伤风感冒餐, 真系好值得推介既餐厅. 今日去佢问我要唔要姜茶, 咁啱病病地, 有姜茶我真系两眼发光, 原来阿姐日日煲, 佢话六点前饮杯, 对身体好架, 真系超级WARM~~我见有新野, 原来系自己冲既滤包咖啡, 我系超级钟意咖啡, 真系好想试, 但今日病唔想饮成杯, 阿哥请我试左一杯仔, 虽然冻饮都层次丰富, 可以买一盒十包返去自己冲(挂耳滤包), 百五蚊以精品咖啡黎讲都唔算贵, 等我好番啲就黎入货啦.