影片
更多
2017-03-05
657 浏览
呢日去太子,同朋友试左新野,真系新,原来间小店开左无耐,仲系试业中间店有法式小店既感觉,门口一大块玻璃,可看到厨师准备食物,感觉整洁企理,相信厨师对洁净度好有要求同信心同个frd 两个人叫左2个串烧套餐,各有2串串烧同2款前菜,原来每日厨师会准备唔同前菜,是日前菜有虎虾沙律温泉蛋,薯蓉同油封蕃茄(酸酸地几开胃),咁2个人梗系试晒4款啦主食我地2个都叫左安格斯肉眼法式咸泡芙,间店其实都有安格斯汉堡泡芙,仲平20蚊,不过rib eye实在太吸引,都系唔想同人share个安格斯rib eye泡芙真系好好味,好彩无叫错,虽然九十几蚊但个包有成只手掌咁大(我手掌好长,成6,7吋)块扒都唔细,差唔多填满大约五成熟的肉眼扒,入面系微微的酒红色,嫩得黎有口感又juicy,烧香了的肉眼渗出阵阵牛扒独有的肉香,块肉眼有手指咁厚,同埋真系好鲜味,好食过扒房二三百蚊个d扒挂住rib eye争d唔记得提泡芙以前一直以为泡芙就系日式一堆cream既甜品泡芙,初头听咸泡芙以为会怪,原来唔系架,呢个法式咸泡芙有d似少少酥皮既饼干,系香脆的(好难形容,要自己试下先知)因为未见过其他铺有,咁得意,咪同厨师八卦下,原来系厨
真系新,原来间小店开左无耐,仲系试业中
间店有法式小店既感觉,门口一大块玻璃,可看到厨师准备食物,感觉整洁企理,相信厨师对洁净度好有要求同信心
同个frd 两个人叫左2个串烧套餐,
各有2串串烧同2款前菜,
原来每日厨师会准备唔同前菜,
是日前菜有虎虾沙律温泉蛋,薯蓉同油封蕃茄(酸酸地几开胃),咁2个人梗系试晒4款啦
主食我地2个都叫左安格斯肉眼法式咸泡芙,
间店其实都有安格斯汉堡泡芙,仲平20蚊,
不过rib eye实在太吸引,都系唔想同人share
个安格斯rib eye泡芙真系好好味,好彩无叫错,虽然九十几蚊
但个包有成只手掌咁大(我手掌好长,成6,7吋)
块扒都唔细,差唔多填满
大约五成熟的肉眼扒,入面系微微的酒红色,嫩得黎有口感又juicy,
烧香了的肉眼渗出阵阵牛扒独有的肉香,
块肉眼有手指咁厚,同埋真系好鲜味,好食过扒房二三百蚊个d扒
挂住rib eye争d唔记得提泡芙
以前一直以为泡芙就系日式一堆cream既甜品泡芙,
初头听咸泡芙以为会怪,原来唔系架,
呢个法式咸泡芙有d似少少酥皮既饼干,系香脆的(好难形容,要自己试下先知)
因为未见过其他铺有,咁得意,咪同厨师八卦下,
原来系厨师自制的,佢系法国学厨做完野回流就做呢间店
香脆既咸泡芙,配香浓肉眼,仲要加只流心蛋,真系十个正,我已经打算每次都会叫呢个
我谂下次要带老公黎,先试到其他款
今次叫既串烧系牛舌同带子(海鲜串要加钱),
牛舌都厚身几嫩滑,
带子1串有3粒类似日式刺身咁大粒, 最钟意佢无裙边无内脏个"卜",健康d
另外仲有叫一客2件烧羊架
最后,由厨师推介自家柠檬挞作结(因为卖净一个,就share),好味好香柠檬味但唔识形容,总之同泡芙一样系推介
2个人每人2百几左右(每人叫左杯鲜果汁雪梨西芹汁唔记得影)
今次试新店都几好味,不过美中不足系间店真系有点小,
得吧枱同6张high chair, 只可以三五知己黎或者外卖,
同埋可能要订位较好, 好似暂时只做晚市同有2日休息摸门钉机会都有
而家有时真系辛苦做到好鬼颓
第时去开太子,都要买番个安格斯泡芙慰劳下自己先
好过食几份大XX快餐个D卡纸咁薄牛扒早餐都要三十几
开心食好野,唔开心又食好野, 系我既快乐之道
(最下图)原艺柠檬挞
18 浏览
1 赞好
0 留言
串烧带子
20 浏览
0 赞好
0 留言
(左起)烧羊架,串烧牛舌,前菜4款
36 浏览
0 赞好
0 留言
安格斯肉眼扒法式泡芙
21 浏览
1 赞好
0 留言
是日前菜4款:温泉蛋,油封蕃茄,虎虾沙律,薯蓉
25 浏览
0 赞好
0 留言
张贴
