Warren (已結業)

成日都系铜锣湾，湾仔揾嘢食，揾到都唔知食咩好于是今次行远远少少到大坑觅食行到脚仔软，见门口简单朴素，少少欧陆风盲中中就入左去原来呢到系食法国餐，好彩女朋友呢排爱上法国菜免受一死法国餐前总有一个面包篮，厨师自己新鲜制作既面包，松，脆，香，包含哂系一片面包中配上黑松露牛油，黑松露香味飘扬，食完一段时间都仲有黑松露味系口入边。头盘拣左个“香煎法国鹅肝配芒果甜酸酱”嫩滑既鹅肝撒上海盐，大火煎至表面焦脆，但内里刚刚好成熟，入口表面香口带少少咸，香脆过后带来一阵鹅肝既油香，入口即化。加上芒果甜酸酱，甜酸比例平衡带有芒果香味，为鹅肝消去油腻感之余，更增加食欲。而汤选择左比较传统既“法式洋葱汤”法式高汤放入大量洋葱、香料，大火清炖，洋葱既香甜溶化入汤中，而辛辣味挥之而去。上菜时放左一片面包，吸收左汤先再食，别有一番风味。主菜就点左“慢煮西班牙猪肩配苹果酱”原来猪肩系可以做到松化软绵，肉味愈咀嚼愈散发，无需多余既调味，仍可以完全无油腻感配上厨师炮制既清甜苹果酱，涂上猪肩上，犹如披上一层糖衣，清甜味更肉味浓厚。配菜亦用上牛油调理，少少牛油既香味，唔会做成负担之余更令猪肩不再单调。甜品系“法式焦糖芝士蛋糕”