茶語

营业中

休息中

玩完ring fit，见有d肚饿就落街买少少轻食返屋企医下肚仔。肉松台式蛋饼蛋饼都好丰富㗎,入边裹住满满嘅肉松食落啖啖肉，佢啲酱汁呢系甜甜嘅豉油味。蛋饼入边都有加葱食落都好Fresh㗎。香香盐酥鸡& 炸豆腐虽然食炸嘢罪恶咁好大但系我都系忍受唔住呢啲咁香口嘅食品呀。香香盐酥鸡即叫即炸，食落好脆口，鸡肉外面炸粉唔会果得太厚。太好食啰，入边仲锁住啲肉汁，咬落热辣辣啲鸡油爆晒出嚟真系抵挡唔住呀！炸豆腐虽然睇落平平无奇但系佢配左一个豉油汁，食落甜甜地。如果唔钟意食甜嘅，我建议可以加少少五香淮盐，会更惹味。乳酸绿茶见次次食台式舖头都点珍珠奶茶，有少少厌倦，所以今次就叫咗个乳酸绿茶。益力多味同绿茶味配合得啱啱好，唔会太甜饮落有淡淡的茶香，感觉好似冇珍珠奶茶咁heavy。