波記咖啡 (已結業)

熟食街市来讲佢嘅环境算系好好充足嘅空气流通风扇地方干净枱面冇黐立立空间都好足够佢出名手包虾饺食得出嘅心机虾饺皮算薄食落烟韧小小黏口馅料落咗半肥瘦猪肉食咗有少少猪肉筋同时证明系真材实料最重要系佢嘅虾饺皮同虾饺肉系融为一体完全系包实而唔会散开两旧野平时茶楼经常出现呢个情况明显师傅真系用适当嘅力手握过令到佢做到呢个效果仲即叫即蒸豉汁凤爪方面分量多味道足色水自然火喉够力够时间软骨可以轻易离骨亦不失鸡皮弹牙底下花生新鲜叉烧包呢系以前茶楼嘅味道包质比较粗厚而且黏口馅料会揾到完整叉烧块我谂呢样平时都比较少见最大特色系你可以食住点心叹奶茶鸳鸯正如之前食评所讲佢咖啡冇咩特别而因为奶茶够质素所以杯鸳鸯都算ok如最难得系身处呢个地方咁嘅价钱服务态度都唔差有求必应小冰少甜冇问题亦愿意比我调配位置及推介嘢食不过鼻敏感嘅朋友要小心唔好坐正风口位我打咗好几个乞嗤附近街边街市好有feel执到正野仲有猫玩