露面手工拌麵料理

喺湾仔行行下，就见到呢间以手工面为主打嘅面馆，于是就决定入去解决午餐。餐厅比我想像中大，我同朋友被安排坐喺卡位，都阔落同坐得都舒服。我哋见餐牌都有好多选择，我哋于是就嗌咗佢推介人气嘅面。《嫩鸡白布汤阔面》一上枱，就闻到阵奶香味，一饮汤头，就感受到浓浓嘅奶加鸡汤味，味道好温和，加埋鸡肉同菜，成个配搭健康又好味。而阔面质地好弹牙有口感，同时又挂到汤，我同朋友都好中意。《蟹黄拌面》卖相超级惊艳，一碗蟹黄咁上比你捞，另加一小碗醋去吊个鲜味。蟹黄一啲都唔流，好香蟹膏味，超浓郁。呢个我同朋友食唔停好快清哂！《秘制香槽醉鸡》鸡件好滑，有酒香味。饮品我地就叫左冻豆浆同香水柠檬茶，前者豆味好够又唔会好甜，后者就好清新，两杯都好唔错。整体来讲，我好中意呢间面舖，价钱抵食又好味。