越翠苑

营业中

休息中

平时做完GYM后会系荃湾食完野先番屋企，大部分时间都系食快餐或粉面，由中意食都变到唔想食…咁岩撞正元宵夜，比个藉口自己行远少少，去到大窝口揾食。由于临时决定，无时间比我慢慢研究，行行下见到间越式小店，价钱唔算贵，而且见到我中意既越式法包，无道理唔试。晚上9点几，餐厅人流唔多，较为冷清，所以职员一直企系附近等我地落order，好大压力..越式咖哩腩饭 $54个牛腩炆得好软好淋，虽然有人会嫌咁既牛腩无哂口感，但我偏偏就系中意软淋既牛腩，所以我同朋友都中意。不过个咖哩汁比较水，唔够杰身，而且偏甜、无唔系好辣，唔够惹味。越式法包 (大) $40餐厅提供几款越式法包，但我只钟情最普通果款。由于即叫即整既关系，朋友几乎食哂个饭，个法包先到，等到颈都长烘到外脆既法包，夹住札肉、腩肉、肉松，加入腌萝卜解腻，再配上葱段同我最爱既芫茜，每一啖都系幸福既滋味~~食到一半既时候，先发现原来法包入面搽左一层蟹膏，但由于其他配料味太重，食落唔会察觉。餐厅价钱唔贵，食物质素唔错，连水都用柠檬暖水，就知道佢地既用心，值得大家一试。