鹵家

营业中

休息中

收工返元朗，今日冇约朋友，俩口子元朗揾食😋😋 间唔中都会嚟呢间卤家，店舖座位比较狭窄，店员服务超有礼貌🥰 有好多套餐比大家拣，大部份都系烧味嚟嘅，佢嘅烧味都比较出名，喺店舖有简介厨师做过啲边几间酒店😎我老公多数会叫烧味，而我一定会叫呢个子姜鸭仔煲🦆👍🏻上枱嘅时候店员先至打开煲盖，热辣辣仲滚紧🤩🤩 佢系用柱侯酱炆嘅，加咗大量蒜头粒，同埋大量子姜，蒜头粒已经炆腍晒好甜好香，子姜好轻微嘅辣好好食，鸭嘅份量都多，炆得超级腍，而且完全唔会有臊味😍套餐可以配饭或者粉面，我会配米粉，鸡汤好味，米粉系弹牙𠮶种新竹米粉，正！套餐仲有得拣靓汤或者饮品😀用心服务客人嘅小店，值得帮衬🤩