麻辣小聚 (93WYS) (裝修中)

喺忙碌嘅工作入面，可以食到美味嘅食物可以话系一个小确幸❤️于是，今日放工之后就约咗同事去呢一间喺公司附近嘅麻辣小聚食晚餐！之前都有见过好多唔同嘅人喺社交平台度介绍过呢一间餐厅，一直都非常之期待，所以今日难得可以去食饭都好开心！叫咗一份难忘酸菜鱼！食川菜我自己最钟意嘅菜式之一就系酸菜鱼，呢一个酸菜鱼真系食得出厨师好用心嘅炮制，入面嘅汤底好足料！而且呢个酸菜鱼嘅酸味同埋辣味都十足，所以令到呢个鱼肉好丰富层次嘅味道！再加埋咁滑嘅鱼肉，真系食得好滋味！另外仲叫咗一道山城辣子鸡！辣子鸡炸得啱啱好！咬入口嘅嘅时候脆卜卜，好香，而且麻辣嘅香味超级强烈！如果钟意食辣嘅人可以试吓！