藤津日本料理

营业中

休息中

用心煮唔一定好，不过唔比心机煮就一定唔好。呢间龙津日本料理其实新开咗都好一段时间，但系每一次经过门口都系人头涌涌好多人排队。 终于等到今日见到入面只系得两个人，「机会嚟喇飞云！」食日本嘢梗系食寿司刺身鱼生饭，唔通食炒鸡蛋饭咩？坐得耐就即刻9秒9叫咗个~京葱拖罗 三文鱼生饭。舖头细细 只系得十张八张櫈，厨房就有三个人加一个收银楼面。喺收银机隔离见到佢贴住叫大家耐心等候。我都预咗佢会等一段时间㗎啦。点知我个鱼生饭就足足等咗我48分钟。仲要其貌不扬睇落好似一pat免治牛肉咁。同我嘅期望有啲距离，唔该下次喺个menu上面加多个「免治」鱼生饭，或者menu上面加张相。其实都唔系好难嘅啫？喺等我个鱼生饭嘅期间，我睇到老板其实都好乱。嚟食饭的人不多，但都有漏单的情况出现。大概系一个钟头入面等咗48分钟在家我食咗五分钟，老板大概只系出得 13个餐。仲要系晚饭时间，出面有唔少人排队等位，等外卖。原来人多排队不是因为好味多人食，而真系好慢。