初味 (已搬遷) 新店位置

因为我阿妈去咗旅行，于是今晚就同爸爸去附近嘅餐厅揾嘢食，见到呢一间初味系新开嘅就入去试吓，因为见佢啲生蚝唔系好贵，所以我同爸爸都叫咗四只食，我觉得个味道系几好嘅，海水味唔重，食落个质感比较干身，唔太creamy，依个价钱来讲系值得一试嘅($20几左右），我同爸爸之后仲叫咗薄饼同埋烧乳猪。个薄饼嘅材料系青瓜同埋煎三文鱼，首先食落去唔油腻已经系一个好好嘅卖点，而且啲三文鱼算系滑嘅，配埋青瓜感觉系好清新；之后个乳猪系重点，我觉得非常好食，首先个乳猪嘅肉汁系好多好浓的，基本上唔使点任何酱已经会好好食，跟住仲要啲肉系肥同瘦嘅比例啱啱好，一来识落唔会变得太油腻，二来有咬口之余亦都有肥膏嘅感觉，我觉得系一流嘅。之后我同爸爸仲叫咗两个甜品，一个系芝士心太软， 而另一个系用酥皮包住苹果嘅薄饼。个芝士心太软就唔系太过突出，一来芝士味好浓，所以食物会有啲济，二来其实个心太软效果唔系好劲，啲芝士唔系好流出嚟；但个苹果薄饼就真系好好食啦，一来其他餐厅冇，我觉得可以话系依间餐厅嘅signature，二来个酥皮首先系真系好脆，亦都好夹苹果，而且入面嘅苹果馅系真系好多所以每一啖都好有口感。我个人觉得间餐厅最令我印象深