砵砵車仔麵 (已結業)

屋企附近新开佐间车仔面，小店环境光猛企理，坐得舒适。望下menu，平时食开车仔面嘅面类选择都有(面底$8)，公仔面外仲可以加钱转岀前一丁，适合一d有d要求嘅客人。配料反而睇到砵砵车仔面有心思嘅地方，分咗非一般必食推介($14)、超惹味推介($10)、车仔面推介($8)，价钱各有不同，但每个类别都有值得一试嘅配料。例如话梅猪手、麻辣肚丝、豉油王粉肠、辣汁猪肺呢d都在面档比较少见，属非一般必食推介。甜酸正斋、卤水大肠、五香牛腩都是超惹味推介。至于车仔面推介不只有鱼蛋、豆卜，仲有卤水翼尖、鲍汁萝卜和自家制水饺！至于汤底除咗有清汤、腩汁、沙爹汁，爱辣之人仲可以拣咖喱汁、辣汁同云南酸辣汁！两个人其实仲有二人套餐，都好丰富呢！真系好多想试！可惜刚刚病好，惟有选得清淡，好彩都仲有唔少选择。拣佐原创白榨饺、芹菜木耳饺、秘制冬菇同新鲜时菜。唔食得辣嘅我当然选清汤。首先要一赞清汤，果然好清甜，调味恰到好处唔会太咸，而且饮得岀冇落味精！白榨饺即系白菜加榨菜，第一次食，原来两种睇落风马牛不相及嘅材料味道都几夹，榨菜咸香令味道更为有层次。芹菜木耳饺味道都有惊喜，健康足料！菜心卖相都几靓，如果份量多d就仲好啦！秘