慈素小聚

营业中

休息中

有朋友中意试唔同菜式，今晚佢就带我去呢间素食小店，话多人推介必试。入到店内，店员都好友善好客，环境宽敞企理。京都片皮鸭 $128片皮鸭共5片，系由面筋制成，调味岩岩好，另有青瓜、黄椒同青椒作伴菜，同薄皮包住一齐食口感丰富，点埋海鲜酱更加锦上添花。香芒夭妇罗炸豆腐$88呢个好好食好难忘，炸的火喉同时间都掌握得好好，豆腐超级嫩滑，外皮又炸得够酥脆，同酸酸甜甜芒果好夹，用心制作，高质菜式。素食三文鱼拼盘$68另外提供左干冰，食前倒入去就会有烟，打卡一流，好有仙气好靓，鲍片同三文鱼系蒟蒻整成，花纹同颜色都好像真，口感弹牙似啫喱，点埋wasabi 味道好新奇。天妇罗综合蔬菜球配特制酱汁$38天妇罗即叫即制，热辣辣，有红萝卜蕃薯等，配上特制芝麻酱，完全唔会油腻。意大利香草忌廉天使面（奶）$118忌廉酱汁白浓幼滑，天使面软硬适中，条条挂汁，素吉列猪扒好惊喜，同真有9成相似，炸得够香脆。牛油果杂菜沙律$98杂菜同牛油果份量都好多，真材实料，配上意大利香醋，酸味味够开胃，作为前菜够哂清新。甜梅菜肉饼饭$98呢味像真度劲高，完全唔似素食，咬落同真肉饼冇咩分别，白饭粒粒分明，肉饼微甜，2样一齐食好夹。忌廉蘑