Tartes & Pop

营业中

休息中

以前食过同事系呢间舖头买嘅散水饼，今日特登去左上环再买黎食。今次拣左四只味，order左黑芝麻抹茶挞、热情果榛子挞、士多啤梨忌廉挞同埋覆盆子朱古力挞。我钟意食呢个挞嘅饼底，好脆、甜甜地。每件挞嘅层次感都好丰富，feel到饼师非常用心去设计每个挞!钟意绿茶味，或者唔钟意太甜嘅人，一定要试下黑芝麻绿茶挞。呢两种元素好夹!两种唔太甜嘅材料再加甜甜地嘅饼底，成件事岩岩好!☺☺☺热情果榛子挞又系另一个食落唔太甜嘅选择。食得出有好重嘅榛子味。面头嘅热情果酱酸酸甜甜、好开胃。呢个挞嘅combination都好出色，我like!士多啤梨挞系大路嘅combination，钟意食甜野嘅人会like，再加埋面头嘅士多啤梨碎同士多啤梨酱，成件事好满足呀😊😊最后， 覆盆子朱古力挞用嘅可能系黑朱古力，冇想像中甘甜。加埋面头开胃酸甜嘅覆盆酱， 成个挞一啲都唔腻。