影片
更多
2020-10-10
159 浏览
之前睇过介绍话依间传统中式糖水舖以前喺北角书局街开店，由店主两夫妇一手一脚打理，不过因为双手劳损而结业。而家喺炮台山重新开业，作为街坊当然要帮衬下啦！舖头门面同出面都放咗有附图嘅menu，清晰易睇，价钱相宜，更加有介绍每款糖水嘅食材功效，可以拣番碗啱自己嘅中式糖水。小店虽细但都有提供座位可以即场食。依排芋头当造就嗌咗碗香芋椰汁西米露－老板有问要唔要加奶，不过想试真啲个椰汁香就冇加到。芋头软绵好香，西米煮到透身，甜度适中，食完都几饱肚。之后买咗碗芝麻糊同蛋白杏仁露返去同屋企人分享。芝麻糊系小店嘅招牌，到而家都坚持人手炒香用石磨生磨，绝对唔用粉开。芝麻糊香浓滑溜，低糖份够健康，有黑发、通便、润肤嘅功效。好多人会怕杏仁阵味，但我就好钟意（可能因为由细听妈妈讲饮杏仁茶对皮肤好）。蛋白杏仁露真材实料，味道好香而且入口顺滑，滑捋捋嘅蛋白融入咗喺杏仁露入面，每啖都好滋味，食完真系有润肺养颜嘅感觉。到而家仲有咁用心专心制作中式糖水嘅舖头真系好难得，希望有更多人认识到依间小店支持下！
舖头门面同出面都放咗有附图嘅menu，清晰易睇，价钱相宜，更加有介绍每款糖水嘅食材功效，可以拣番碗啱自己嘅中式糖水。
小店虽细但都有提供座位可以即场食。依排芋头当造就嗌咗碗香芋椰汁西米露－老板有问要唔要加奶，不过想试真啲个椰汁香就冇加到。芋头软绵好香，西米煮到透身，甜度适中，食完都几饱肚。
香芋椰汁西米露
$20
32 浏览
0 赞好
0 留言
之后买咗碗芝麻糊同蛋白杏仁露返去同屋企人分享。芝麻糊系小店嘅招牌，到而家都坚持人手炒香用石磨生磨，绝对唔用粉开。芝麻糊香浓滑溜，低糖份够健康，有黑发、通便、润肤嘅功效。
芝麻糊
$23
4 浏览
0 赞好
0 留言
好多人会怕杏仁阵味，但我就好钟意（可能因为由细听妈妈讲饮杏仁茶对皮肤好）。蛋白杏仁露真材实料，味道好香而且入口顺滑，滑捋捋嘅蛋白融入咗喺杏仁露入面，每啖都好滋味，食完真系有润肺养颜嘅感觉。
蛋白杏仁露
$23
15 浏览
0 赞好
0 留言
到而家仲有咁用心专心制作中式糖水嘅舖头真系好难得，希望有更多人认识到依间小店支持下！
张贴
