Crazy King Restaurant and Bar (已結業)

同大学同学聚旧，今次朋友推介就试左crazy king 👑 餐厅嘅装修都几新，坐得几舒服。同埋餐厅好在唔会赶客翻枱，几适合我地三个女仔倾计聚会。今次就拣左个二人餐，加多个肉类主食。头盘系烤水晶包，水晶包烤到脆卜卜，有蕃茄酱，青酱同橄榄油点住食。包本身有少少咸味，个人觉得加左番茄酱开胃啲，个摆设都好适合打卡。烧日本鳕鱼干，烧得唔会太冧，少少脆。自家制青瓜汁野菜沙律，本身见到绿色嘅酱以为系青酱，原来系青瓜汁，几refreshing，沙律都够新鲜。个餐汤拉花有心思，味道就不过不失。主食有三个，其中一个系四川麻辣鸡肉大通粉。四川麻辣同意粉又意外地夹，微辣，值得试试。西西里汁焗时令海鱼扒，西西里汁系蕃茄为主，鱼扒都几滑。肉类就有厨师精选二重奏，有猪手，薯蓉同Parma ham 包住猪肉，Parma ham包猪肉睇得出系心机之作，薯蓉都整得几creamy，今次餐饭最欣赏个二重奏。